Dikteta wa Guatemala afungwa miaka 80 jela

  01,RAJAB,1434 Hijiriyah/ May 11,2013 Miyladiyah

Efrain Rios Montt Rais wa zamani wa Guatemala amehukumiwa adhabu ya kifungo cha miaka 80 jela, baada ya kupatikana na hatia ya kutenda jinai za kivita nchini humo. Mahakama Kuu ya Guatemala jana ilimhukumu dikteta Montt adhabu hiyo baada ya kumpata na hatia ya kufanya mauaji ya kizazi, jinai za kivita, ubakaji na mauaji ya halaiki dhidi ya wananchi wa kabila la Maya nchini humo. Taarifa zinasema kuwa, Jenerali Efrain Montt mwenye umri wa miaka 86, alifanya mauaji ya halaiki dhidi ya watu wa kabila hilo wakati alipoongoza mapinduzi ya kijeshi mwaka 1982 nchini humo. Imeelezwa kuwa, zaidi ya watu 1,700, waliuawa kwenye machafuko hayo yaliyotokea nchini humo.